സംസ്കൃതത്തിന് മുമ്പിൽ മുട്ട് മടക്കിയ സിലിക്കോൺ വാലി (സോഷ്യല്‍ മീഡിയയില്‍ പ്രചരിക്കുന്ന ഒരു പോസ്റ്റ്‌ )

(ചിത്രം കടപ്പാട് : സഞ്ജീവനി ഫേസ്ബുക് പേജ് )

അമേരിക്കയിൽ കമ്പ്യൂട്ടർ കണ്ടുപിടിച്ചിട്ട് അറുപത് വർഷമായെങ്കിലും കമ്പ്യൂട്ടർ രംഗത്തെ വൻ കുതിച്ച് കയറ്റം ഉണ്ടായിട്ട് വെറും ഇരുപത് വർഷമേ ആയുള്ളൂ. 1995 -ൽ ഭാരതത്തിലെ TCS – Infosys – Wipro – HCL എന്നീ കമ്പനികൾ ഇന്ത്യയിൽ നിന്ന് software ഉണ്ടാക്കാൻ തുടങ്ങിയതോടെ ആണ് software രംഗത്ത് വിപ്ളവകരമായ മാറ്റങ്ങൾ തുടങ്ങിയത്.

ഇതിന് പുറമെ സുപ്രധാനമായ ഒരു മാറ്റം കൂടി 1995-ൽ ഉണ്ടായി. കമ്പ്യൂട്ടറിനെ നിയന്ത്രിക്കുന്ന നിർദ്ദേശങ്ങൾ എഴുതി ഉണ്ടാക്കുന്ന computer language ആയി സംസ്കൃതത്തെ തിരഞ്ഞെടുത്തു. സംസ്കൃതം വന്നതോടെ കമ്പ്യൂട്ടറുകളുടെ വേഗത കൂടി, അവക്ക് സങ്കീർണമായ കണക്കുകൂട്ടലുകൾ ചെയ്യാനുള്ള കഴിവ് വന്നു, പുത്തൻ മേഖലകളിൽ കമ്പ്യൂട്ടർ ഉപയോഗിക്കപ്പെടാൻ തുടങ്ങി (ഉദാ – ചെസ് കളിക്കാൻ, മൾട്ടി മീഡിയ content ഉപയോഗിക്കാൻ, ഇന്റർനെറ്റ് ഉപയോഗിക്കാൻ, എനിങ്ങനെ).

സിലിക്കോൺ വാലി സംസ്കൃതത്തിന് മുമ്പിൽ മുട്ട് കുത്തിയ കഥപലർക്കും അറിയില്ല കാരണം പാശ്ചാത്യ മാധ്യമങ്ങൾ ഈ വിവരം പൂഴ്ത്തി വച്ചു. വരൂ നമുക്ക് ആ രഹസ്യത്തിന്റെ ചുരുളഴിക്കാം.

നമ്മുടെ കഥ തുടങ്ങുന്നത് 1991-ൽ ആണ്. Apple കമ്പനിയുടെ സ്ഥാപകരായ Steve Jobs, Steve Wozniak എന്നിവർ ഭാരതത്തിൽ വന്ന് ഹിമാലയ സാനുക്കളിൽ തപസ്സ് അനുഷ്ടിച്ചു. ഹിമാചൽ പ്രദേശിൽ മധുരമൂറിയ ആപ്പിൾ ഭക്ഷിച്ചപ്പോളാണ് അവർ തീരുമാനിച്ചത് തങ്ങളുടെ കമ്പനിക്ക് Apple എന്ന് പേരിടണമെന്ന്. ദീർഘ കാലം സംസ്കൃതം അഭ്യസിച്ച Steve Wozniak ആണ് ആദ്യമായി സംസ്കൃതം വളരെ structured ആയ ചിട്ടയും ക്രമവും ഉള്ള ഭാഷയാണ് എന്ന് തിരിച്ചറിഞ്ഞത്.

സംസ്കൃതം പഠിച്ച ആർക്കുമറിയാം ഓരോ വാക്കിനും ഓരോ അർത്ഥമുണ്ട്, ഓരോ അർത്ഥത്തിനും ഒരു വാക്കുമുണ്ട്. ലോകത്തെ ഭാഷകളിൽ ഏറ്റവും നല്ല വ്യാകരണം സംസ്കൃതത്തിനാണ് എന്ന് UNESCO അവാർഡ് നൽകിയത് പ്രത്യേകം ഓർക്കുമല്ലോ. ഉദാഹരണം ആൺകുട്ടി എന്നർത്ഥമുള്ള ബാല: എന്ന വാക്കിന് 21 ശബ്ദ രൂപങ്ങൾ അഥവാ വിഭക്തികൾ ഉണ്ട്, അവയിൽ ചിലത് ഇപ്രകാരമാണ്.

ബാല: ബാലൗ ബാലാ:

ബാലം ബാലൗ ബാലാൻ

ബാലേന ബാലാഭ്യാം ബാലൈ:

ഇത്ര ശാസ്ത്രീയമായ ഭാഷ വേറെ ഇല്ലെന്നും കമ്പ്യൂട്ടറിൽ ഉപയോഗിക്കാൻ ഏറ്റവും അനുയോജ്യം സംസ്കൃതം ആണ് എന്ന് Steve Wozniak തന്റെ പ്രൊഫസർ ആയിരുന്ന Harvard University – യിലെ പ്രൊഫ. വാൾട്ടർ മോണ്ടേൽ എന്ന പണ്ഡിതനെ എഴുതി അറിയിച്ചു. സംസ്കൃതം കമ്പ്യൂട്ടറിന് അനുയോജ്യമാണ് എന്നതിനെ കുറിച്ച് ഗവേഷണം നടത്തി ആദ്യമായി ഒരു ശാസ്ത്രീയ ലേഖനം ഒരു research publication -ൽ പ്രസിദ്ധീകരിച്ചത് 1994 ൽ പ്രൊഫ. വാൾട്ടർ മോണ്ടേൽ ആണ്.

ഈ ആശയം പരീക്ഷണം വഴി സ്ഥിരീകരിച്ചത് Stanford സർവകലാശാലയിലെ പ്രൊഫ. മൈക്കിൾ ഡുകാകിസ് ആണ്. അദ്ദേഹം ഒരു വലിയ കമ്പ്യൂട്ടർ പ്രോഗ്രാം C++ എന്ന computer language ൽ എഴുതിയിരുന്നു. പക്ഷെ പ്രോഗ്രാം execute ചെയ്യാൻ രണ്ട് മണിക്കൂർ വേണം. സമയം ലാഭിക്കാൻ അദ്ദേഹം തന്റെ കമ്പ്യൂട്ടറിന്റെ processor, hard disk, എന്നിവ മാറ്റി കളഞ്ഞ് കൂടുതൽ മെച്ചപ്പെട്ടവ ഇടാനായിരുന്നു പദ്ധതി.

പക്ഷെ അതിന് പകരം സംസ്കൃത ഭാഷയിൽ ഉള്ള കമ്പ്യൂട്ടർ പ്രോഗ്രാം പരീക്ഷിച്ചാലോ എന്ന് പ്രൊഫ. മൈക്കിൾ ഡുകാകിസ് ചിന്തിച്ചു. അദ്ദേഹം തന്റെ C++ പ്രോഗ്രാം സംസ്കൃതത്തിൽ പരിഭാഷപ്പെടുത്തി കംപ്യൂട്ടറിൽ അപലോഡ് ചെയ്തു. ഇപ്രാവശ്യം പ്രോഗ്രാം നടത്താൻ വെറും നാല് മിനിറ്റ് മാത്രമേ വേണ്ടി വന്നുള്ളൂ. അതായത് സംസ്കൃതം ഭാഷ ഉപയോഗിക്കുന്നത് കൊണ്ട് കമ്പ്യൂട്ടറിന് ശക്തി 30 ഇരട്ടിയായി.

പിന്നീട് അങ്ങോട്ട് സിലിക്കോൺ വാലിയിൽ സംസ്കൃതത്തിന്റെ ഒരു പ്രവാഹമായിരുന്നു. HP, Compaq, IBM, Dell, Fujitsu എന്നിങ്ങനെ പ്രധാന കമ്പ്യൂട്ടർ നിർമാതാക്കൾ എല്ലാം 1995 – ൽ സംസ്കൃതത്തിൽ ഓടുന്ന കമ്പ്യൂട്ടറുകൾ മാർക്കറ്റിൽ ഇറക്കി.

ഇവയിൽ സംസ്കൃതത്തിൽ എഴുതിയ പ്രോഗ്രാം store ചെയ്ത് വച്ചിരിക്കുന്ന ഇടമാണ് RAM എന്ന മൈക്രോ ചിപ്. ഭഗവാൻ ശ്രീരാമനെ സ്തുതിക്കാനാണ് RAM എന്ന പേരിട്ടത്. നിങ്ങൾക്ക് സംശയം ഉണ്ടെങ്കിൽ നിങ്ങളുടെ കമ്പ്യൂട്ടർ തുറന്ന് നോക്കൂ. അപ്പോൾ കാണാം ഭഗവാൻ ശ്രീരാമന്റെ പേരിലുള്ള RAM ചിപ്.

ഹൈദരാബാദ് ഹൈ ടെക് സിറ്റിയിലെ ഗൂഗിൾ ഓഫീസിൽ പണി ചെയ്യുന്ന Anand Rayudu എന്ന യുവ എഞ്ചിനീയർ ഉണ്ടാക്കിയ സംസ്കൃത സോഫ്റ്റ്വെയർ ആണ് പിൽക്കാലത്ത് Android എന്ന പേരിൽ ലഭ്യമായത് എന്ന് എത്ര പേർക്ക് അറിയാം?

സിലികോൺ വാലി സംസ്കൃത കമ്പ്യൂട്ടറുകൾ ഉണ്ടാക്കിയപ്പോഴാണ് ഒരു പ്രശ്നം ഉദിച്ചത്. ഇവക്ക് വേണ്ടി സംസ്കൃതത്തിലുള്ള software program ആര് എഴുതി ഉണ്ടാക്കും ? സിലികോൺ വാലി പ്രതിനിധികൾ 1995 ൽ ഭാരതത്തിൽ വന്ന് പ്രധാന മന്ത്രി നരസിംഹ റാവുവിനെ കണ്ടു. പക്ഷെ ഫലമുണ്ടായില്ല. അദ്ദേഹത്തിന് ഇറ്റാലിയൻ ഭാഷയോടായിരുന്നു താൽപര്യം.

പിന്നീട് 1996 ൽ കുറച്ച് കാലം PM അയിരുന്ന അടൽ വാജ്പേയിയെ സിലികോൺ വാലി പ്രതിനിധികൾ കണ്ടു. അദ്ദേഹം സസന്തോഷം പറഞ്ഞു ഇത്തരം programming പണി ഭാരതത്തിൽ തന്നെ ചെയ്യാൻ പറ്റും. ബാംഗളൂർ ഉള്ള ഒരു പ്രമുഖ IT സ്ഥാപനത്തിൽ അന്വേഷിക്കാൻ അവരോട് പറഞ്ഞു അടൽ ജി. കമ്പനിയുടെ പേര് ഞാൻ വെളിപ്പെടുത്തില്ല.

ആ സ്ഥാപനത്തിൽ എത്തിയ സിലികോൺ വാലി പ്രതിനിധികൾ ആശ്ചര്യപ്പെട്ടു. സംസ്കൃതത്തിൽ അഗാധ പാണ്ഡിത്യമുള്ള ബ്രാഹ്മണർ ആണ് കമ്പനി നിറയെ. ക്രിസ്ത്യൻ – മുസ്ലിം – പട്ടികജാതി തൊഴിലാളികൾ ആ സ്ഥാപനത്തിൽ ഒട്ടും തന്നെയില്ല.

ആഹ്ളാദഭരിതരായ സിലികോൺ വാലി പ്രതിനിധികൾ അപ്പോൾ തന്നെ ആ കമ്പനിക്ക് 100 ബില്ല്യൺ ഡോളറിന്റെ കരാർ നൽകി. ഒരേയൊരു നിബന്ധന. നിങ്ങൾ ദയവായി സംസ്കൃതം അറിയുന്നവരെ മാത്രമേ ജോലിക്ക് എടുക്കാൻ പാടൂ. സ്ഥാപനത്തിന്റെ MD തലകുലുക്കി അംഗീകരിച്ചു. തീർച്ചയായും സർ. ഞങ്ങൾ ബ്രാഹ്മണരെയും സവർണ ഹിന്ദുക്കളേയും മാത്രമേ ജോലിക്ക് വക്കാറുള്ളൂ. ഞങ്ങൾ മ്ലേഛ മതക്കാരെയും ഹീന ജാതിക്കാരെയും എടുക്കാറേയില്ല എന്ന് അദ്ദേഹം അഭിമാനത്തോടെ പറഞ്ഞു.

ഭാരതീയർക്കഭിമാനിക്കാവുന്ന പല സങ്കേതിക മുന്നേറ്റങ്ങൾക്കും സംസ്കൃതത്താൽ പ്രവർത്തിക്കുന്ന കമ്പ്യൂട്ടറുകൾ കാരണമായിട്ടുണ്ട്‌.

ബാംഗളൂർ Infosys കമ്പനിയിലെ പ്രഗൽഭനായ എഞ്ചിനീയർ ഉണ്ണികൃഷ്ണൻ നമ്പൂതിരി ഉണ്ടാക്കിയ സംസ്കൃതത്തിലെ operating system ആണ് അദ്ദേഹത്തിന്റെ പേര് ചുരുക്കി Unix എന്ന് വിളിക്കുന്നത്. നിങ്ങൾ Unix അല്ലെങ്കിൽ Linux ഉപയോഗിക്കുന്നെങ്കിൽ നന്ദി പറയേണ്ടത് ഉണ്ണികൃഷ്ണനോടാണ്.

ചെന്നൈ Cognizant കപനിയിലെ മിടുക്കനായ നീലകണ്ഠൻ നമ്പ്യാർ ഉണ്ടാക്കിയ പ്രോഗ്രാമിനാണ് നാം ഇന്ന് Bluetooth എന്ന് വിളിക്കുന്നത്. നീലകണ്ഠൻ എന്ന പേരിൽ നിന്ന് Blue Neck എന്നാണ് പ്രോഗ്രാമിന് പേര് കരുതിയിരുന്നത്, പക്ഷെ പരിഭാഷയിലെ തെറ്റ് കാരണം Bluetooth എന്നായി.

അമേരിക്കയിൽ ഏറ്റവും അധികം വിറ്റഴിയുന്ന സംസ്കൃത ഗ്രന്ഥം പ്രാചീന ഭാരതത്തിലെ സംസ്കൃത വ്യാകരണ പണ്ഡിതനായ പാണിനി എഴുതിയ അഷ്ഠാധ്യായി ആണ് എന്ന് എത്ര പേർക്ക് അറിയാം? Microsoft, Intel, Google മുതലായ കമ്പനികളിൽ സംസ്കൃതത്തിൽ എഴുതിയ കമ്പ്യൂട്ടർ പ്രോഗ്രാമുകളെ കുറിച്ച് സംശയങ്ങളും തർക്കങ്ങളും പതിവാണ്. പക്ഷെ സംസ്കൃതത്തിലെ ഏത് സംശയവും തീർക്കാൻ പാണിനിയുടെ അഷ്ടാധ്യായി റെഫർ ചെയ്താൽ മതി.

കംപ്യൂട്ടറിന്റെ ചിപ് സ്പീഡും ഹാർഡ് ഡിസ്ക് കപ്പാസിറ്റിയും RAM ചിപും ഒന്നുമല്ല അതിന്റെ performance നിയന്ത്രിക്കുന്നത്, അതിലെ സംസ്കൃത പ്രോഗ്രാമിംഗ് ലാംഗ്വേജ് മാത്രമാണ് എന്ന് പണ്ഡിതർ പറയുന്നു. മനുഷ്യന്റെ യശസ്സ് നിർണയിക്കുന്നത് നമ്മുടെ വാക് ചാതുരിയാണ്, നമ്മുടെ വസ്ത്രം – വേഷം എന്നിവയല്ല, എന്ന് പ്രസിദ്ധമായ ഈ സംസ്കൃത ശ്ലോകം പറയുന്നത് പോലെയാണ് കമ്പ്യൂട്ടറും സംസ്കൃതവും തമ്മിലുള്ള ബന്ധം –

കേയൂരാ ന വിഭൂഷയന്തി പുരുഷം

ഹാരാ ന ചന്ദ്രോജ്ജ്വലാഃ

ന സ്നാനം ന വിലേപനം ന കുസുമം

നാലംകൃതാ മൂര്‍ധജാഃ

വാണ്യേകാ സമലംകരോതി പുരുഷം

യാ സംസ്കൃതാ ധാര്യതേ

ക്ഷീയന്തേ ഖലൂ ഭൂഷണാനി സതതം

വാഗ്ഭൂഷണം ഭൂഷണം

ഇന്ന് ഭാരതത്തിലെ software രംഗത്തെ വളർച്ചയെല്ലാം സംസ്കൃതം കമ്പ്യൂട്ടറുകൾ വന്ന ശേഷമാണ് ഉണ്ടായത്. അതിനാലാണ് അടൽ വാജ്പേയി ജി ഭാരതത്തിലെ software വ്യവസായത്തിന്റെ പിതാവ് എന്ന് അറിയപ്പെടുന്നത്.

സംസ്കൃതത്തിന്റെ മുന്നിൽ സിലികോൺ വാലി മുട്ടു കുത്തിയ കഥ ഭാരതത്തിലെ മുഖ്യധാരാ മാധ്യമങ്ങൾ എല്ലാം ഒളിച്ച് വച്ചു എന്നാണ് വാസ്തവം. ഈ സത്യം വെളിപ്പെടുത്തിയത് ഒരേയൊരു പണ്ഡിതനാണ്. IISH എന്ന ഗവേഷണ സ്ഥാപനത്തിലെ ഡയറക്ടറും സുപ്രസിദ്ധ ശാസ്ത്രജ്ഞനും ഭാവിയിൽ Literature നൊബെൽ സമ്മാനം ലഭിക്കാൻ സാദ്ധ്യതയുള്ള ഡോ. എൻ. ഗോപാല കൃഷ്ണൻ ജി ആണ് ആ പണ്ഡിതൻ.

(പോസ്റ്റ്‌ ഉറവിടം : സഞ്ജീവനി  ഫേസ്ബുക് പേജ്)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s